牡丹 - 2008-6-9 18:03:00
详细情况系咁样嘅：
2008年5月30日，上午10点45分左右，本人驾驶佛山市籍摩托车，在季华路口，从汾江南路左转驶入季华路。
进入季华路不久，我发现响季华园正门嘅人行道上，靠机动车道一侧，停左一部警车。
警车嘅车牌系“粤E·9XXX警”，9字开头，一睇就知系交警嘅。
当时我心想，咦？唔通阿Sir响度蛇王？
于是，我就放慢车速，慢慢驶过，睇睇系乜嘢回事。
点知，一睇之下，我就感到一阵惭愧，为刚才乱甘想阿Sir偷懒而觉得唔好意思。
车里面嘅交警同志，唔单止无吞pot，而且仲双手托住部DV机，响度影嘢。
睇距揸机嘅手势，就知道好professional，拍得住HongKong嘅希哥。
甘距响度影D乜啊？
原来，响季华路度系有一条“公交车专用道”，只准公交车同摩托车开上去，其他车开上去就系违规。
而尼位交警同志就系影紧个D违规开上“公交车专用道”嘅车辆。
返到屋企，认真想左一下，发觉尼位交警同志真系英明，距甘样做，有以下嘅优点：
1、唔使设卡拦车处罚，避免造成交通堵塞；
2、如果设卡拦车，后边过来嘅车睇到唔对路，就唔会开上“公交车专用道”，影响执法嘅成效；
3、影晒班违规车辆，返去再慢慢执出来，就唔使企响条路度日晒雨淋，降低工作强度，而且唔会有漏网之鱼；
4、距所拣嘅影相位系必杀位：一方面，响汾江南路（伊丹->季华园）系有三条左转驶入季华路嘅车道，响右边车道嘅车辆，左转完后就自然驶上“公交车专用道”，如果无即刻驶离，就会中招；另一方面，响汾江南路（季华园->伊丹）通过右转渠化车道驶入季华路嘅车辆，亦好自然驶上“公交车专用道”，如果无即刻驶离，就会同样中招；仲有，响影相位个度，有个对面车道嘅掉头位，如果甘啱对面有车掉头，就会占左最内侧嘅车道，好容易将其他车逼向“公交车专用道”；再加上D司机大佬自己无甘嘅意识，主观大意加埋客观影响，基本上绝大部分车辆都会中招。
所以啊，请各位行经季华路嘅司机大佬注意嘞！
仲有啊，逢年过节前都要注意，米行差踏错，平时无乜事嘅到时可能会中招，其中嘅原因大家自己想啦。
上上个星期五就系端午节前一个多礼拜，属于要严守交规时期，大家要执生啦！
广东话都有讲，“米阻人发达”，所以我到架阵先出声，希望大家米见怪啦！
我都系小市民一个咋！
nissan - 2008-6-10 14:34:00
依家D人就系甘啦~~